ESTUDIO

vi17 é un estudio novo de arquitectura fundado en 2020. Dende os seus inicios, o despacho traballou cunha visión clara: os entornos construídos deben reflectir un profundo respecto pola natureza e as persoas.

En vi17, cremos que a sustentabilidade vai máis alá de técnicas e materiais; é unha filosofía que busca crear espazos que melloren a calidade de vida e o benestar de todos. Os nosos proxectos abranguen dende o deseño de interiores e arquitectura de pequena e mediana escala, ata o urbanismo, paisaxismo e a planificación de espazos públicos. O noso obxectivo é desenvolver propostas de alta calidade e con identidade propia, pensadas para perdurar no tempo e respectar o seu entorno.

Aplicamos un enfoque de deseño holístico que combina o contexto local cunha visión global, sempre centrada na escala humana e na experiencia do usuario final. Cada proxecto que levamos a cabo busca integrarse de maneira positiva no seu entorno, xa sexa urbano ou natural, e cumprir cos máis altos estándares de calidade.

Traballo

Se desexas realizar unha solicitude, envía o teu CV e portfolio (máximo 10 mb) a cv@vi17.gal e poñerémonos en contacto se temos algunha praza dispoñible.

Prácticas

vi17 ofrece prácticas a tempo completo para estudantes de arquitectura e recentemente titulados, por un prazo mínimo de 4 meses. Son necesarios coñecementos de  CAD,  software 3D e un mínimo de 3 anos de experiencia como estudante.

Se estás interesado envía o teu CV e portfolio (máximo 10 mb) a cv@vi17.gal especificando no correo que tipo de prácticas solicitas.